Хадгаламжийн даатгалын корпорацийн Гадаад харилцаа, хамтын ажиллагааны хэлтсээс Монголын Үндэсний музейн нийт ажилчдад 2024 оны 09 дүгээр сарын 12-ны өдөр “Хадгаламжийн даатгал” сэдвээр сургалт зохион байгууллаа. Сургалтаар Банкин дахь мөнгөн хадгаламжийн даатгалын тухай хууль, даатгалд хамрагдах мөнгөн хөрөнгө, даатгалд хамрагдсан арилжааны банкнууд, нөхөн төлбөрийн хэмжээ зэрэг холбогдох бусад мэдээллүүдийг хүргэлээ.
Мөн сургалтын төгсгөлд мэдлэг бататгах зорилгоор даатгагдсан хадгаламжийн дүнг тооцоолох бодлого, дасгалын ажил явуулж амжилттай оролцсон 2 оролцогчийг мөнгө хуримтлуулдаг тэмээгээр урамшуулав.
