Монгол Улсын Санхүүгийн Тогтвортой Байдлын Зөвлөлийн ээлжит бус хурал 2021 оны 7 дугаар сарын 21-ний өдөр Монголбанкны хурлын танхимд боллоо.
Ээлжит бус хуралд Монголбанкны Ерөнхийлөгч Б.Лхагвасүрэн, Сангийн сайд Б.Жавхлан, Санхүүгийн зохицуулах хорооны дарга Д.Баярсайхан, Хадгаламжийн даатгалын корпорацийн гүйцэтгэх захирлын үүрэг гүйцэтгэгч С.Баатарсүрэн болон бусад албаныхан оролцов.
Тус хурлаар макро эдийн засгийн өнөөгийн нөхцөл байдал, цаашдын төлөв, анхаарах асуудлуудын талаар хэлэлцэж, төсөв, мөнгөний бодлогын уялдааг хангах чиглэлээр харилцан мэдээлэл солилцов.
Хадгаламжийн даатгалын корпорациас энэ удаагийн ээлжит бус хуралд Тэргүүн дэд захирал Ч.Мөнхбат, Дэд захирал Х.Гэрэлт-Од болон ЗЭЗГ-ын захирал Б.Амарбилэг нар оролцсон юм.
