“Дэлхийн хуримтлалын өдөр-2023” арга хэмжээний хүрээнд 2023 оны 10-р сарын 24-ний өдөр Хадгаламжийн даатгалын корпорацийн Гадаад харилцаа, хамтын ажиллагааны хэлтсээс Нийслэлийн ерөнхий боловсролын 40 дүгээр сургуулийн 8 дугаар ангийн нийт 120 орчим сурагчдад санхүүгийн боловсрол олгох сургалт зохион байгууллаа.
Сургалтаар “Хуримтлал ба хадгаламж” сэдвээр мөнгөн хадгаламжийн ач холбогдол, мөнгө хуримтлуулах дадал хэрхэн эзэмших, даатгагдсан хадгаламж болон Монгол улсын хуримтлалын бэлэг тэмдэг болсон тэмээний талаар мэдээлэл хүргэлээ.
Мөн сурагчдаар хуримтлалын тооцоолуур хэрхэн ашиглах болон даатгагдсан хадгаламжийн хэмжээ тооцох бодлого бодуулж, мөнгө хуримтлуулдаг тэмээгээр шагнав.
