Гүрж Улсын Тбилиси хотод Олон Улсын Хадгаламжийн Даатгагчдын Холбоо/IADI/-ны Евро-Ази болон Европын бүсийн хороодын Олон Улсын бага хурал өнөөдөр эхэллээ.
“Хадгаламжийн даатгал ба банкны бүтцийн өөрчлөлт: өнөөгийн байдал ба ирээдүйд тулгарч болох сорилтууд” сэдэвт олон улсын бага хурлыг Хадгаламжийн даатгалын корпорацийн Гүйцэтгэх захирал, ОУХДХ-ны Евро-Ази бүсийн хорооны дарга С.Баатарсүрэн нээж үг хэллээ. Тэрээр Евро-Ази бүс нутгийн эдийн засгийн хамтын ажиллагаа, хадгаламжийн даатгалын салбар болон банкны бүтцийн өөрчлөлтүүдийн талаар онцлов. Тус хурал нь 2024 оны 7-р сарын 4-нөөс 6-ны өдрийг хүртэл зохион байгуулагдана.
