“Санхүүгээ зөв төлөвлөж, ирээдүйгээ бүтээцгээе” уриан дор “Дэлхийн мөнгөний долоо хоног – 2023” аяны үйл ажиллагаа амжилттай явагдаж, 3-р сарын 28-ны өдөр Монголбанкнаас хаалтын арга хэмжээ зохион байгууллаа. Хоёр долоо хоногийн турш үргэлжилсэн аяны хүрээнд Хадгаламжийн даатгалын корпорациас Улаанбаатар хотын ЕБС-ын 146, 113 болон 19-р сургуулийн ахлах, дунд ангийн сурагчдад санхүүгийн боловсрол олгох сургалтууд зохион байгууллаа. Мөн Дундговь, Баянхонгор, Дархан-Уул, Орхон аймгийн Монголбанкны хэлтэстэй хамтран орон нутгийн хүүхэд, залуучуудад чиглэсэн сургалт, мэдээлэл өгөх арга хэмжээнүүдийг авч хэрэгжүүллээ.
