Хадгаламжийн даатгалын корпораци хүүхэд багачуудад хуримтлалын ач холбогдлыг таниулах, хуримтлуулах дадлыг төлөвшүүлэх зорилгоор Ерөнхий боловсролын “Оюуны оньс” дунд сургуулийн 4 дүгээр ангийн сурагчдад “Ирээдүйнхээ төлөө хуримтлуулцгаая” сэдэвт сургалт зохион байгууллаа. Сургалтаар хүүхдүүдэд мөнгөө хуримтлуулах , хэрхэн зөв зарцуулах талаар, мөн хуримтлалын үндэсний бэлгэ тэмдэг “Тэмээ”-г сурталчлан таниулах мэдээллүүдийг хүргэж, хүүхдүүдийн хуримтлуулах хүсэл эрмэлзлийг дэмжих үүднээс мөнгөө хуримтлуулдаг “Тэмээ”-г дурсгав.
